"Теңге - тәуелсіздік келбеті"

Бүгін, 4 «А» және 3 «А» сынып оқушылдарымен  ұлттық валютамыз теңгенің 30 жылдығына орай,  «Теңге – тәуелсіздік келбеті» тақырыбында ашық сынып сағаты өткізілді. Сынып сағаты оқушылардың бір-біріне жақсы көңіл-күй сыйлауымен басталды. Оқушылар  тақырыпты кестедегі әріптер арқылы өздері ашты және теңгеге арнап өлең оқыды. Мұғалім сабақтың мақсатын айтып, тақырыпқа сай бейнебаян көрсетті. Әрі қарай балалар теңге туралы мәтіндермен жұмыс жасады, тақтаға шығып оқығандарымен ой бөлісті, конверттен есептер алып шығарды. Сынып сағатын қорытындылау үшін, банкоматтан карточка арқылы ақша алды. Оның артындағы сұрақтарға жауап берді. Сосын жинаған ақшаларына дүкеннен тәттілер сатып алды. Ең соңында мұғалім теңгенің мерейтойы болғандықтан, төл теңгеміз жасай берсін деген тілек айтып,  шашу шашты. Сынып сағаты танымды және қызықты өтті.