«Бірлік пен достық – басты байлығымыз»

Аудандық семинар аясында 8-сынып оқушыларымен «Бірлік пен достық – басты байлығымыз» тақырыбында сынып сағаты өткізілді. Іс-шараның мақсаты – оқушылардың өзге ұлт өкілдеріне құрметпен қарауын қалыптастыру,  әсіресе қазақ және орыс халықтары арасындағы достықты нығайту.

Сабақ екі тілде жүргізіліп, түрлі жұмыстар жүргізілді,  асық, кілем пайдаланып топтарға бөліну, дәстүрлерді, құндылықтарды және екі халық мәдениетінің даналығы мен ұқсастығын бейнелейтін мақал-мәтелдерді талқылады. Оқушылар «Қара жорға» музыкалық композициясын ағаш қасықтар мен асықтардың көмегімен орындап, қазақ пен орыс халықтарының мәдени бірлігі туралы бейнеролик тамашалады, мақал-мәтелдер бойынша ойынға және Wordwall платформасындағы онлайн-викторинаға қатысты.
Сондай-ақ балалар бірлік, бейбітшілік пен өзара түсіністікті бейнелейтін достық белгілерін жасады. Іс-шара «Қазақстан — менің мақтанышым» атты патриоттық науқанмен аяқталды, бұл сөз  елімізде тұратын түрлі ұлттардың тілінде айтылып, «Туған жерім менің» әні орындалды.
Іс-шара достық, шынайылық пен өзара құрмет атмосферасында өтіп, семинар қатысушылары тарапынан мазмұнды және тәрбиелік мәні зор деп жоғары бағаланды.