9-сыныптарда Lesson Study зерттеу сабақтарын өткізу

2026 жылғы 10 ақпанда мектепте 9-сынып мұғалімдерінің қатысуымен Lesson Study  аясында зерттеу сабақтарын ұйымдастыруға арналған отырыс өтті. Отырыстың жұмысына пән мұғалімдері және директордың оқу-әдістемелік жұмыс жөніндегі орынбасары қатысты.

Кездесудің мақсаты – Lesson Study зерттеу циклін жоспарлау, зерттеу бағытын айқындау және мұғалімдердің бірлескен жұмысын үйлестіру. Отырыста педагогтер Lesson Study тәсілінің негізгі кезеңдерімен танысты: жоспарлау, сабақты өткізу, талдау және жетілдіру.

Талқылау нәтижесінде зерттеу мақсаты анықталды – 9-сынып оқушылары білімінің МЖМБС талаптарына сәйкестігін талдау және оқушылардың тілдік дағдыларының қалыптасу деңгейін диагностикалау. Сонымен қатар зерттеу тобының құрамы бекітіліп, пәндер бойынша алғашқы зерттеу сабақтарының өткізу кестесі келісілді.

Lesson Study тәсілін жүзеге асыру нәтижесінде:

оқыту сапасын арттыру;

оқушылардың оқу белсенділігін күшейту;

оқыту әдістерін жетілдіру;

білім нәтижелерін жақсарту күтіледі.

Зерттеу сабақтары өткізілгеннен кейін нәтижелерді талдау, тәжірибе алмасу және алдағы жұмыстарға ұсыныстар әзірлеу мақсатында рефлексиялық отырыс ұйымдастырылады.

Lesson Study мұғалімдердің кәсіби ынтымақтастығын дамытуға және білім беру үдерісінің тиімділігін арттыруға бағытталған.