Қош келдің, Жаңа жыл!

Жаңа жыл – әлемдегі қуанышқа толы ең ғажайып мерекелердің бірі. Жаңа жыл сиқырлы, әрі қайталанбас таңғажайып мереке. Бәріміз келе жатқан жаңа жылдан жарқын ертегі, жаңа бақыт күтеміз. Осы мереке қарсаңында қазақша бастауыш сыныптар арасында "Қош келдің, Жаңа жыл!" атты ертеңгілік өтті. Ертеңгілік көңілді әуенмен басталып, барлық балаларды өз сиқырымен баурап әкетті. Ертеңгілік барысында балалар Аяз ата мен Ақшақарға,шыршаға арнап өлеңдерін, тақпақтарын айтып, би биледі. "Аяз атаның қалпағы"," Шыршаны инеден босат", "Аққаланы бейнеле"," Қар қиыршықтарын тап", "Балмұздақ"  деген қызықты ойындарды да ойнады. Ертеңгілік қызықты өтті. Соңында  Аяз ата балаларға сыйлықтарын табыстап, естелікке фотоға түсті.