Өзге тілдің бәрін біл, Өз тіліңді құрметте!

“Қазақстан халқы бүкіл әлемде үш тілді пайдаланатын жоғары білімді ел ретінде танылуға тиіс. Бұлар: қазақ тілі – мемлекеттік тіл, орыс тілі – ұлтаралық қатынас тілі және ағылшын тілі - жаһандық, экономикаға ойдағыдай кірігу тілі”

Н. Ә. Назарбаев

Қазір 6, 7, 9 сынып оқушылары мектеп ауласында жазғы практикада. Олар мектеп ауласын гүлдендірумен және оларды суарумен, күтумен айналысуда. Мақсаты: оқушыларды еңбекке баулу, жас өспірімдердің экологиялық қарым-қатынастарын, жауапкершілігін, табиғатқа деген сүйіспеншілігін арттыру.

Сонымен қатар, мектебімізде жазғы демалыс кезінде үштілділікті дамыту, қолдау мақсатымен қазақ тілінен «Өзге тілдің бәрін біл, Өз тіліңді құрметте!» тақырыбында сайыс сабақ өтті.

Сайыстың өткізілу мақсаты: достық пен бірлікті нығайту барысында тілдерге деген құрмет сезімдерін қалыптастыру, үштілділік саясатын дамыту, қолдану аясын кеңейту, мәртебесі мен маңызын кеңінен насихаттап, оқып-үйренуге деген ықыласы мен қызығушылығын арттыру.

Сайыс барысында оқушылар қазақ тілінен өз білгендерін ортаға салды. Сайыста жарыс түрінде әр түрлі тапсырмалар орындалды. Әркім ұлы ақындарымыздың өздері білетін өлеңдерін оқыды. Әр сынып мақал-мәтелдер айтып жарысты. Жұмбақтар шешілді, олардың жауаптары қазақ тілінде айтылып, орыс, ағылшын тілдеріне аударылды.